Hilik topatu dute Azpeitian desagertuta zegoen frantziskotarra

Ertzaintzak hilik topatu du hilaren 3tik desagertuta zegoen 84 urteko frantziskotarra. Gorpua 13:45ak aldera aurkitu dute, ostiral honetan, mendi-inguru batean, baserri batetik gertu, Ertzaintzak berak eitb.eus-i baieztatu dionez.

Biktima, Ildefonso Alustiza, familia-bazkarian egona zen apirilaren 3an (igandea zen), eta, gerora, autoa hartu zuen, Azpeitiko zahar-etxean dagoen arreba bati bisita egitea xede; ez zuten han ikusi, baina. Tolosako frantziskotarren fraide-etxera ere ez zen bueltatu.

Autoa aparkatuta topatu zuten, Azpeitian, Urola kalean. Orain, gorpua agertu da.