Bigarrenez zigortuta bortxaketa eta lapurreta egiteagatik, Iruñean

Nafarroako Audientziak bigarrenez kondenatu du C.M., 25 urtekoa eta jatorri errumaniarrekoa, bortxaketa eta lapurreta delituengatik. Guztira 17 urte eta erdiko kartzela-zigorra ezarri du Epaitegiak erasotzailearentzat.

Aretoak, zehazki, 15 urteko espetxe-zigorra eman du bortxaketa errepikatuko delitu jarraitu batengatik, eta bi urte eta erdiko kondena indarkeriazko lapurreta batengatik. Izan ere, biktimari diru-zorroan zeramatzan 60 euro ostu zizkion erasotzaileak. Azken honek 3.000 euroko kalte-ordaina eman beharko dio biktimari, eta ezingo da beragan hurbildu ezta berarekin komunikatu 18 urtetan.

Honako hau bigarren aldia da Auzitegiak zigor berdina ezartzen diola gertakari hauengatik errudunari. 2012ko ekainaren 15ean jazo ziren ezbeharrak, gaueko 04:30ean, Iruñeko (Nafarroa) Benjamin de Tudela kaleko aldirietan. Auzitegi Gorenak lehenengo sententzia indargabetu zuen iaz, biktimak egindako deklarazioa ez zelako nahikoa izan bortxaketa probatutzat jotzeko.

Orain, Bigarren Sailak akusatua zigortu du berriro, burututako azterketen arabera “badirelako adina froga biktimaren deklarazioarengatik errugabetasuna ahultzeko, DNA laginengatik, adibidez. Sententziaren arabera, auzipetuak eta identifikatu gabeko beste pertsona batek “diskoteka baten irteeran ezagutu zuten biktima, eta biek bortxatu zuten biktima, behin bakoitzak”.

Bortxaketa zantzuak

Tribunalak nabarmendu duenez, emakumearen eta kondenatuaren artean “lehendik ez zegoen harremanik”, egun horretan bertan ezagutu zutela elkar. Auzitegiak gaineratu du emakumeak egindako deklarazioa “zehatza eta irmoa” izan zela eta diskotekako kontrol kamerek identifikatu zutela erasotzailea. Zigortuak “60 euro lapurtu zizkion biktimari”, onartu zuen epaiketan, baina “bortxaketa egin izana ukatu zuen”.

Biktimari dagokionez, Auzitegiak azpimarratu du DNAko gorpuzkiak antzeman direla emakumearen baginan eta horrek “salatzen duela” erasotzailea. Horrenbestez, “froga guztiek erakusten dute akusatuak sexu-harremanak izan zituela emakumearekin” eta bortxatu egin zuela. Zentzu honetan, akusatuak ezeztatu duenez,  “sekula ez du inolako sexu-harremanik izan”, jaso du epaiak. Erantsi du bere lehenengo deklarazioan berak “zalantzarik gabe” esan zuela gizonak “bortxatu” zuela, baina gerora argitu zuen “identifikatu gabeko pertsonak lehenengo bortxaketa egin eta gero, ez zuela ondo gogoratzen gertatutakoa”.