Gizartea -
Erretiratuak
Imsersoko penintsularako bidaiak, gaurtik aurrera salgai
Uharteetara joateko akordiorik ez dago oraindik, eta, beraz, bidaia hori egin nahi dutenek apur bat itxaron beharko dute.
EITB.EUS
Gaurtik hasita, Penintsula barruan Imsersoko bidaiak egiteko eskaintzen gutuna jasoko dute Euskal Autonomia Erkidegoko (EAE) eta Nafarroako erretiratuek. Uharteetara joateko aukerarik ez dago oraindik, agentziek eta Gobernuak ez baitute akordiorik lortu.
Estatuko kostaldera eta barnealdera joateko bidaiak dira gaurtik aurrera eskainiko direnak: 938.000 plaza, guztira.
Gutuna jasota, bidaia-agentziara joan beharko dute adinekoek bidaia erosteko.
Kanaria eta Balear uharteetara joateko akordiorik ez dago oraindik, lehiaketara aurkeztutako enpresa batek errekurtsoa jarri baitu epaitegian. Hori dela eta, uharteetara joan nahi dutenek apur bat gehiago itxaron beharko dute.