Arrosadiako krimenaren akusatuak aldatu egin du bertsioa, epaiketan

2014ko apirilean Iruñeko Arrosadia auzoan pisukidea hil zuen gazteak, Diego Bonillak, gertatutakoari buruzko bertsioa aldatu du epaiketan, eta biktimarekin eztabaida egin eta gero, horrek ez zuela ganibetik hartu aitortu du.

Hasieran esandako bertsioaren arabera, biek eztabaida izan zuten, eta, ondoren, biktimak ganibet bat hartu, eta gerturatu egin zitzaion, eraso egiteko xedez. Horregatik, bere burua defendatu behar izan zuela esan zuen hiltzaileak.

Gaurko saioan, baina, auzipetuak aitortu egin du biktimak ez zuela ganibetik hartu.

Bonillak barkamena eskatu die biktimaren senideei eta gizarteari, eta "oso damututa" dagoela adierazi du. Horren abokatuak gogorarazi du "hasieratik" aitortu duela krimenaren egilea dela.

Ministerio Fiskaltzak 15 urteko espetxe zigorra eskatu du, homizidioa egotzita.

Bestalde, akusazio partikularrak 21 urteko kartzela zigorra eskatu du, azpikeriaz eta basakeriaz egindako hilketa delitua egotzita.