Gizartea -
Emakumeen aurkako indarkeria
Adingabeen deiek % 24,4 gora egin dute, ANAR Fundazioaren arabera
1.920 dei jaso zituen Fundazioaren telefonoak 2014an. Horietako batzuk Gizarte Zerbitzuetarako eta Berdintasuneko Ministerioak 016 telefonotik desbideratu zituen adingabeak inplikaturik zeudelako.
Agentziak | Erredakzioa
Emakumeen aurkako indarkeria kasuengatik adingabeen deiek % 24,4 gora egin zuten 2014an, Arriskuan diren Haur eta Nerabeak Laguntzeko Fundazioak (ANAR) jakitera eman duenez. Gainera, biktimen % 50 ez ziren arazoaren jakitun.
ANAR Emakumeen Aurkako Indarkeria Telefonoko 2014 Txostenaren ondorio nagusia da. Guztira, 1.920 dei jaso zituen Fundazioaren telefonoak 2014an. Horietako batzuk Osasuneko, Gizarte Zerbitzuetarako eta Berdintasuneko Ministerioak 016 telefonotik desbideratu zituen adingabeak inplikaturik zeudelako.
1.642 kasutan bera edo adingabea emakumeen aurkako indarkeriagatik kezkaturik zeuden eta 278 kasutan nerabea bera bikotekidearen edo bikotekide ohiaren biktima zen.
16-17 urte
Dei gehienak 16-17 urteko nerabeek (% 62,2) egin zituzten, baina kasuen % 16,5ean 13-14 urteko neskatoak zirela azpimarratu du ANARek.
Erasoen % 67,6 mutil-lagunek edo bikotekideek egin dituzte, eta kasuen % 30,9tan erasotzailea bikotekide ohia da. Gainera, kasu askotan (% 65,5) indarkeria teknologia berrien bidez egiten dute.
Deien % 58,3an ez da salaketarik aurkeztu eta ez dago salatzeko borondaterik.
