Gizartea -
CIS-en inkesta
Inoizko handiena da ustelkeriaren inguruan gizarteak duen kezka
Azaroaren 4tik 12 egin zuten CIS galdeketa, hau da, Punica Operazioaren ostean eta Monagoren bidaien eskandaluaren berri izan eta gero.
Erredakzioa
Espainiar Estatuko biztanleen kezka iturri nagusiak langabezia izaten jarraitzen du (galdetutakoen % 77k aipatu dute), baina ustelkeriaren gaineko kezka inoizko handiena da, itaundu dituzten herritarren % 63,9k nabarmendu baitute.
Ikerketa Soziologikoen Zentroak (CIS, gazteleraz) azaroaren 4tik 12ra egin zuen galdeketa, Punica operazioa, Monagoren bidaien eskandalua eta Matasi eskainitako hirugarren gradua ezagutu ondotik.
Ustelkeriaren gaineko kezka nabarmen hazi da aurreko hilabetearekin alderatuta ( % 42,7) eta 2013ko martxoan erdietsitako maximoa ( % 44,5) hutsaren pareko utzi du.
Gai honek 90ko hamarkadan eragiten zuen ardura mailaren halako hiru da gaur egun. Felipe Gonzalez gobernuburu zela, Roldan eta Rubio auziak izan ziren, besteak beste.
