Gizartea -
Lan-istripua
Langile bat hil da Bilbon ibilgailu batek azpian harrapatuta
Hildakoa Barakaldoko bizilaguna da, 49 urtekoa. Ezbeharra 09:35 aldera jazo da, Arangoiti auzoko lanetan.
Erredakzioa
Langile bat hil da gaur, astelehena, Bilbon, Arangoiti auzoko lanetan, eraikin-kamioi batek azpian harrapatuta, Segurtasun Sailak jakinarazi duenez. Hildako behargina Barakaldoko bizilaguna da, 49 urtekoa.
Ezbeharra 09:35 aldera jazo da, ibilgailua irauli eta langilearen gainean erori denean. Ondorioz, berehala hil da.
Auzitegiko medikuak baieztatu du haren heriotza. .
Astebete baino gutxiagoan Bizkaian hil den bigarren langilea da, abuztuaren 26an Getxon Folk Jaialdiko muntaketa lanetan ziharduen behargin bat hil ondoren.
