Gizartea -
Ezbeharra Nafarroan
Pertsona bat hil da istripu batean, Valtierran
Ezbeharra 15:56an gertatu da, N-121 errepidean. Noranahiko ibilgailu batek eta furgoneta batek talka egin dute. Beste bi lagun arin zauritu dira istripuan.
Erredakzioa
N-121 errepidean (Iruña-Tutera) gertatutako istripu batean, arratsaldean, pertsona bat hil da. Ezbeharra Valtierran gertatu da.
Nafarroako Gobernuak agiri batean jakitera eman duenez, istripua 15:56an gertatu da N-121 errepideko 71. kilometroan. Noranahiko ibilgailu batek eta furgoneta batek talka egin dute.
Ezbeharraren ondorioz, beste bi pertsona arin zauritu dira. Tuterako suhiltzaileak, bi anbulantzia eta Valtierrako talde medikoa bertaratu dira.
Foruzaingoak zirkulazioa desbideratu behar izan du; izan ere, errepideko bi noranzkoak itxita geratu da. Tuterako foruzainak istripuaren nondik norakoak ikertzen ari dira.
