Sute bat kontrolik gabe zabaltzen ari da Nafarroan

Atzo arratsaldeko azken orduan, Uxuen (Nafarroa), piztu zen sutea  eta kontrolik gabe ari da zabaltzen basoan, haize zakarra dabilelako inguruan.

Nafarroako Larrialdi Zentroak jakitera eman duenez, sutea Bigas mendian hasi zen.  Eremuan ez dago errepiderik eta bertara hurbiltzea zaila da. Horrek sua itzaltzeko lana oztopatzen du.

Haizea indartsu dabil eskualdean. Azkoien, Tafalla, Iruña eta Lizarrako suhiltzaileak, hegazkin bat eta hiru helikoptero bertaratu dira.

Era berean, Foruzaingoa, Herritarren Segurtasunerako Tafallako agenteak eta Iruñeko basozainak ere bertan dira, sua itzaltzeko lanetan parte hartzen.