Gizartea -
Bizkaia
Bost obus aurkitu dituzte Lagako hondartzan
Itsasbeheraren ondorioz aurkitu dituzte gailuak Bizkaiko hondartza honetan. Ingurua hesitu dute, eta gailuak bihar erretiratuko dituzte.
Erredakzioa
Ertzaintzako agenteek Laga hondartzaren ezkerraldea hesiz inguratu dute, eguerdi honetan bertan bost obus aurkitu ostean, Eusko Jaurlaritzako Segurtasun Sailak jakitera eman duenez.
14:15ak aldera, itsasbeheraren ondorioz, aurkitu dituzte obusak. Bizkaiko hondartzen koordinatzaileak eta hainbat soroslek Ertzaintzari deitu diote. Herritarrentzako arriskurik egon ez dadin, ingurua hesiz itxi dute.
Artezilari taldeak bihar bertan erretiratuko ditu obusak.
Iaz Gerra Zibileko obus txiki bat aurkitu zuten hondartza berean.
