Ustez Egiluzi lapurtu ziotenetako bik kartzelan jarraituko dute

Hodei Egiluz Galdakaoko (Bizkaia) gazteari objektu pertsonalak lapurtzean parte hartu izana leporatzen zaien susmagarrietako bik kartzelan jarraituko dute, Ambereseko Fiskaltzako bozeramaile batek ostiral honetan jakitera eman duenez. Egiluz urriaren 19an desagertu zen.

Ambereseko Kontseilu Ganberak ostegunean berretsi zuen bi atxilotuetako bat kustodiapean mantentzea, aske uztea eskatzen zuen errekurtso bat ez onartu ostean.

Haren ustezko konplizeak duela aste batzuk gauza bera eskatu zuen, baina haren helegitea ez zuen zorte bera izan, ondorioz, biek kartzelan jarraitu zuten.

Fiskaltzako bozeramaileak adierazi du Hogei Egiluzen lapurretan hirugarren susmagarri bat zegoela, baina apirilaren 18an aske geratu zela, fidantza ordaindu ondoren.

Desagertu zen egunean, Hodeiri kartera bat eta telefono mugikor bat kendu zizkioten. Geroago, Poliziak hainbat pertsonen eskuetan aurkitu zituen.