Denboraleengatik kaltetutako hondartzak udarako prest egongo dira

Ana Oregi Eusko Jaurlaritzako Ingurumen eta Lurralde Politikako sailburuak azaldu duenez, denboraleak kaltetutako Euskadiko portuetako konponketa lanak “kalitatez egiten ari dira, eta epe laburrean”, horren ondorioz, hondartzak prest izango dira udako denboraldirako. Bestalde, konponketa lanak nola doazen ikusita, arrantza eta kirol azpiegiturak urtearen amaierarako erabiltzeko moduan egongo direla gaineratu du.

Oregik ohar batean adierazi duenez, emaitza hau "antolakuntza eta hainbat administrazioren arteko elkarlan onari" esker izan da, "gauzak horrela hobeto egiten direlako".

Sailburuak Bermeoko kai-muturreko lanetan izandako aurrerapena nabarmendu du, baita Donostiako portua ere, Zumaiko lurra kentzeko jarduerak, eta Orion gauzatzen ari diren lanak, denboraletik bi hilabete pasatu direnean.

"Neguan izandako denboraleen tamaina ikaragarria izan da, eta portuetan izandako kalteak nabarmenak, bereziki, Lekeition, Mundakan, Ondarroan eta Deban", adierazi du Oregik. Ondarroako eta Mundakako portuetako nabigazio kanaletatik hondarra kendu eta Kosta Ministerioak esaten duen puntuan jarriko dituztela azaldu du.

Mundakan 5.300 metro kubiko dragatuko dituzte, Lekeition 30.600, Ondarroan 25.000 eta Deban 6.000. Dragatuentzako aurrekontua 600.000 eurokoa da.