Indarkeria matxistaren aurkako aliantza itundu du Osasun Ministerioak

Osasun, Gizarte Zerbitzu eta Berdintasuneko Ministerioak hiru lantalde deituko ditu datozen asteetan indarkeria matxistari aurre egiteko. Ekimenaren helburua estatistikak bateratzea, epaileak alor horretan prestatzea eta azken hamar urteetan indarrean dagoen legea nola erabili den aztertzea izango da.

Horrela iragarri dute Ministerioko iturriek Ana Mato ministroaren eta Maria Angeles Carmona Indarkeria Matxistaren Aurkako Behatokiaren presidentearen lehen bileraren ostean. 2014an, 18 emakume hil dituzte dagoeneko.

Osasun eta Justizia Ministerioetako, Botere Judizialaren Kontseilu Nagusiko, Estatuko Fiskaltza Nagusiko, Abokatuen Kontseilu Nagusiko eta autonomi erkidegoetako kideek ostatuko dituzte lantalde horiek.

Halaber, Parlamentuko taldeei elkarrekin lan egitea eskatzeko esan dio Ana Mato ministroak Carmen Quintanilla Kongresuko Berdintasun Batzordeko presidenteari.

Osasun ministroa Jorge Fernandez Diaz eta Alberto Ruiz Gallardon Barne eta Justizia ministroekin ere bilduko da, biktimentzako laguntza eta babes mekanismoak zehazteko eta indartzeko.

Genero Indarkeriaren Estatuko Behatokia ere deituko dutela gaineratu du ministroak.