Gizartea -
Greba
Lanbiderako eskaintza 'eskandalua' da ELAren eta LABen ustez
Bi sindikatuek greba deialdia egin dute gaurko Eusko Jaurlaritzak Lanbiderako duen egitasmorako protesta egiteko. 200 langile inguru plantilatik kanpo geldituko lirateke.
ELA eta LAB sindikatuek greba deitu dute gaurko Lanbiden. Beraien ustez, "eskandalua" da Eusko Jaurlaritzaren proposamena erakunde horretako lanpostuak esleitzeko. Erabakiak "diskreziotasuna" duela gaineratu dute.
Bi sindikatuek greba deitu dute gaurko, eta baita manifestazio bat ere, Eusko Jaurlaritzak Lanbiderako dituen planen protesta egiteko. Horien arabera, 200 langile inguru plantilatik kanpo geldituko lirateke.
Ramon Uriarte ELAko ordezkariak esan du gobernuaren proposamena "errespetu falta handia" dela, lanpostuak esleitzeko irizpideak "esfortzu intelektualean edota pertsona konkretuen erantzukizun graduan" datza.
"Lanpostuak esleitzeko orduan diskreziotasuna aplikatzeko asmoa dutela dirudi", adierazi du Uriartek. Gainera, esan du sindikatuek ez dutela "onartuko" eta "berdintasun, merezimendu eta ahalmen" kriterioak hobestea eskatuko dute.
200 bat langile "etxera bidaltzea" du helburu sindikatuaren ustez, baina Gobernuak "kontratazio zerrendetara itzuliko" direla azaldu du.
870 langile inguru ditu Lanbidek eta 43 bulego. Hirugarren greba jardunaldia egin dute gaur, azaroaren 11an eta abenduaren 9an egindakoen ostean, ELAk eta LABek bultzatuta.