Donostiak 5,7 milioi eurora igo du denboralearen kalteen balantzea

Donostiako Udalak 5,7 milioi eurora igo du azken denboraleen ondorioz Gipuzkoako hiriburuko azpiegituretan, hondartzetan eta pasealekuetan izandako kalteen kopurua.

Kalte handienak Zurriolako hondartza eta pasealekuko argietan, bankuetan eta faroletan izan ziren (1,4 milioi euro). Paseo Berrian izandako kalteak, berriz, milioi bat eurokoak izan dira, Udalak ohar batean jakitera eman duenez.

Urumea ibaiko zubiak konpontzeko 1,2 milioi euro beharko ditu Donostiako Udalak: 400.162 euro, Santa Katalina zubia konpontzeko; 347.500 euro, Kursaalekoa egiteko; 143.920 euro, Maria Kristina zubia lehengoratzeko; 306.851 euro, Mundaiz zubirako, eta 45.000 euro, Lehendakari Agirre zubia konpontzeko.

Halaber, Ondarretako txikizioa konpontzeko, 521.431 euro behar ditu; Santa Clara uharterako, 356.900 euro; Alde Zaharrerako, 296.329 euro bideratuko ditu, eta Kontxak, berriz, 260.705 euro beharko ditu.

Ia bi aste geroago, kalteak nabariak dira

Denboralea izan zenetik ia bi aste geroago, Donostiako hainbat puntutan kalteak nabariak dira.

Herritarrei arriskuak ekiditeko larrialdiko konponketak egin dira, baina oraindik lan asko dago egiteko. Hondartzetan oraindik arkupeko lokaletako hondarra ateratzen ari dira.

Donostiako Udalak guztia prest eduki nahi du hondartzen denboraldirako.

Gipuzkoako kostako beste herrialde batzuetan, besteak beste Zarautzen eta Getarian, galdutako normaltasuna berreskuratzen saiatzen ari dira, baina 12 egun geroago, hainbat tabernak eta negoziok ezin izan dituzte euren ateak ireki.

Gauzak hobeto aurkeztu dira bi herriak lortzen dituen errepidean. N-634 errepidean datorren astean hasiko dituzte obrak, lau aste iraungo dute eta 45.000 euroko kostua izango dute. Gipuzkoako Aldundiak ordainduko du guztia.

Bermeon, Udalak jakitera eman duenez, portuan izandako kalteak konpontzeko obrak ez dira udaberrira arte hasiko. Bitartean, hormigoizko eta harrizko blokeekin dute gunea.

Hondarribian, Higerreko itsasargiko errepideak guztiz itxita jarraitzen du. Kalteak ebaluatu eta baloratu behar dituzte oraindik.

Negozio askok dagoeneko ireki dituzte ateak, eta partzuergoa hasi da galerak izan dituztenei dirua sartzen.