Biarritzen desagertutako gaztearen bila dabiltza erreskate taldeak

Erreskate taldeek Biarritzen atzo desagertutako gaztearen bilaketari ekin diote berriro. Olatu batek harrapatuta desagertu zen gaztea, Sud Ouest egunkariaren arabera. Biktima itsasargiaren inguruan zegoen, mugatutako eremu batean.

Itsasoaren egoera kaskarra bada ere, 10:00etan berrekin diete bilaketa lanei. Aipatutako egunkariak zabaldu duenez, itsas brigadak ez du itsasoratzea lortu, denboralea dela eta; horregatik, helikoptero bat dabil gaztearen bila.

Sud Ouest-ek dioenez, desagertutako emakumearekin zegoen 30 urteko beste gazte bat ere uretara erori zen, baina onik ateratzea lortu zuen.