Gizartea -
Desagerpena
Asteartean Elgoibarren desagertu zen gizon baten bila ari dira
Asier Makazaga da desagertutako laguna eta 49 urte ditu. Jaiotzez Zornotzakoa da eta Elgoibarren bizi da.
Erredakzioa
Elgoibarren (Gipuzkoa) desagertu den 49 urteko gizon baten bila ari dira. Desagerpena asteartean izan zen, 20:00ak inguruan.
Asier Makazaga da desagertutako laguna. Jaiotzez Zornotzakoa (Bizkaia) da, baina Elgoibarren bizi da. Familiak berak azaldu duenez, 1,80 neurtzen du eta argala da.
Senitartekoek ostiral honetan jarri dute salaketa Ertzaintzan, eta, Ertzaintzak berak baieztatu duenez, ikerketa abiatu berri dute.
Haren inguruko informaziorik izatekotan Elgoibarko Udaltzaingoarekin harremanetan jartzea eskatu dute, honako telefono honetan: 943741394.