Gizartea -
Ospitaleetako koordainketa
Jaurlaritzak koordainketa berriaren aurkako helegitea jarriko du
Gasteizko Gobernuaren esanetan, koordainketa mota berri hau "astakeria" da, "giza, osasun eta administrazio ikuspuntutik".
Erredakzioa
Eusko Jaurlaritzak ospitaleetako botiken koordainketaren aurkako helegitea onartu du gaur, Gobernu Kontseiluan, Jon Darpon Osasun sailburuak iragarri duenez.
Bileraren ostean Jon Darpon Osasun sailburuak agerraldia egin du, zehaztasun gehiago emateko.
Hain justu, aste honetan amaituko da Espainiako Gobernuak onartutako dekretuaren aurka helegitea jartzeko epea.
Dekretu horren arabera, ospitaleratuta ez daudenek ordaindu egin beharko dute zentroetako botiketan gaixotasun larrien edo kronikoen aurkako sendagaiak erosteagatik. Hilean, 4,2 euro, gehienez.
Jaurlaritzaren esanetan, koordainketa mota berri hau "astakeria" da, "giza, osasun eta administrazio ikuspuntutik".
