Gizartea -
Desagerpena
Ortuellan desagertutako aitona onik aurkitu dute Supersur errepidean
Larunbatean desagertu zen aitona Ortuellan. Ertzaintzak onik aurkitu du Supersur errepidean oinez zihoanean.
Erredakzioa
Larunbatean Ortuellan desagertutako 82 urteko aitona aurkitu du arratsaldean Ertzaintzak AP-8 aurobidean. Bilbo parean, Supersur errepidean, oinez zihoan aitona Ertzaintzak aurkitu duenean.
Ertzaintzak jakitera eman duenez, arratsaldeko seiak aldera aurkitu dute gizonezkoa, Bilboaldeko Metropoliaren Hegoaldeko Saihesbidean.
Egoera onean aurkitu dute eta Gurutzetako erietxera eraman dute azterketa egiteko.
82 urteko aitona larunbatean desagertu zen Ortuellan. Ordutik, Ertzaintza, Ortuellako udaltzaingoa, Gurutze Gorria eta DYA desagertutakoaren bila ari ziren. Lanak Euskao Jaurlaritzako Larrialdiei Aurre Egiteko eta Meteorologiako Zuzendaritzak kudeatu ditu.
