Gazte bat atxilotu dute ustez neska bati sexu erasoa egiteagatik

Ertzaintzak 27 urteko gizon bat atxilotu du Durangon larunbat goizeko lehen orduan, ustez emakume bat bortxatu duelako.

Segurtasun Sailak jakinarazi duenez, goizeko 7:30ean jaso du Ertzaintzak Durangoko Udaltzaingoaren abisua. Komentukaleko liburutegiaren inguruan emakume baten aurka sexu erasoa gertatzen ari zela adierazi diete.

Ertzaintza gerturatu denean, emakumea bera eta ustezko erasotzailea aurkitu ditu, eta udaltzainak ere bertan ziren. Ertzainek 27 urteko gizonezkoa atxilotu dute.

Gaitzespen-ekitaldiak

Durangoko Udaleko Bozeramaileen Batzordeak aho batez gaitzetsi du azken sexu eraso eta gertatutakoka gogor arbuiatu dute. Halaber, herritarrei deialdia egin die Udalerriko Plataforma Feministak zein Udalak antolaturiko gaitzespen-ekitaldietara hurbiltzeko.