Gizartea -
Monarkia
Espainiako erregearen azken agerraldi publikoa, ebakuntzaren aurretik
Juan Carlosek harrera egingo die 16 enbaxadoreri, ospitale pribatu batera joan eta ezker aldakan ebakuntza egin baino ordu batzuk lehenago.
Erredakzioa
Espainiako erregeak agerraldi publikoa egingo du gaur ezker aldakan ebakuntza egin baino ordu batzuk lehenago; izan ere, ospitale pribatuan ingresatu aurretik 16 enbaxadore jasoko ditu Zarzuela Jauregian.
Juan Carlos Espainiako erregeari ebakuntza egiten dioten zortzigarren aldia izango da hiru urte eta erdian, eta laugarrena aldakaren kasuan. Aldi honetan, azaroan jarri zioten protesia ordezkatuko diote.
Miguel Cabanela zirujauak egingo dio Juan Carlosi ebakuntza. Rochesterreko (Minnesota, AEB) Mayo ospitalean lan egiten du espezialista espainiarrak, eta ebakuntza Pozuelo de Alarconen (Madril) dagoen Quiron ospitalean izango da.
