Hiru pertsona ospitalera eraman dituzte, kontusioak zituztelako

Hiru korrikalari ospitaleratu dituzte, kontusioak zituztelako, baina horietako bat ere ez dago egoera larrian. San Fermin jaietako laugarren entzierroan ere, aurtengo azkarrenean, zezenek ez dute inor harrapatu.

E.Y.I. 24 urteko uhartearra Santo Domingotik eraman dute, traumatismo toraziko arina duelako.

J.D.N. Illescaseko (Toledo) 32 urteko gizonak traumatismo bat du eskuineko eskuan, zezen plazara sartu baino lehen kallejoian erori delako.

E.M.B. valentziarra (27 urte) toki berean erori da, eta traumatismo arina du garezurrean.

Zaurituetako bi Nafarroako Ospitalera eraman dituzte, eta bestea Bideko Ama Birjinara.