Gizartea -
Energia nuklearra
Garoñaren inguruko erabakia hirugarren aldiz atzeratu du CSNk
Segurtasun Nuklearreko Kontseiluaren arabera, bozketa printzipioz ostiral honetan egitea espero dute. Osteguneko bilerak bost orduko iraupena izan du.
Erredakzioa
Garoñak ustiapen baimena berritzeko epe berri bat eskatu zuen eta Segurtasun Nuklearreko Kontseiluak (CSN) ostiral honetan eztabaidarekin jarraitzea erabaki du, CSNko iturriek jakitera eman dutenez. Lizentzia berritzeko epea uztailaren 6an amaitzen da.
Nuclenorren eskaera aztertzeko aste honetako hirugarren bilera egin dute CSNko aholkulariek.
Segurtasun Nuklearreko Kontseiluko iturrien arabera, bozketa printzipioz ostiral honetan egitea espero dute.
Bost orduko bilera
CSNko osoko bilkura bost kidek osatzen dute: PSOEko bi ordezkari, Rosario Velasco eta Cristina Narbona; Antonio Gurgui CIUko ordezkaria; eta Fernando Castello eta Fernando Marti (CSNko presidentea), PPkoak biak.
Gaurko bilerak bost orduko iraupena izan du. Astelehenean osoko bilkurak ez zuen akordiorik lortu, ezta asteazkeneko bilerak ere.
Industria Ministerioak CSNri ekainaren 1a baino lehen erabaki bat hartzeko eskatu zion maiatzaren 16an.
