Gizartea -
Energia nuklearra
CSNk asteazkenera arte atzeratu du Garoñaren inguruko erabakia
Nuclenorrek Garoñako zentral nuklearra ixteko agindua baliogabetzea eskatu ostean, Segurtasun Nuklearreko Kontseiluko (CSN) osoko bilkura horren gainean erabakia hartzeko bildu da.
Erredakzioa
Segurtasun Nuklearreko Kontseiluko (CSN) osoko bilkurak asteazkenera arte atzeratu du Garoñaren inguruko erabakia. Nuclenorrek Santa Maria de Garoña zentral nuklearraren itxiera agindua baliogabetzea eskatu ostean, horren gainean erabakitzeko auzia aztertzeko bildu da astelehen honetan CSN.
Garoñako zentral nuklearra kudeatzen duen enpresaren (Nuclenor) Administrazio Kontseiluak zentrala uztailaren 6an ixteko agindua baliogabetzea eskatu dio Espainiako Gobernuko Industria Ministerioari, "ustiapena luzatzea eskatu ahal izateko".
Horren harira, Nuclenorrek egindako eskaerari buruzko ebazpena ekainaren 1a baino lehen plazaratzeko eskatu dio Industria Ministerioak CSNri, uztailaren 6rako aurreikusita dagoen itxiera-agindua bertan behera uzteko.
Ondoren, urtebetez Garoña ustiatzeko baimena eskatzeko data zehaztuko du Segurtasun Nuklearreko Kontseiluak, zentral nuklearrak argindarra ekoiztuko ez duen arren.
CSNtik azaldu dutenez, barne txosten gehiago eskatu dituzte, erabakia hartu aurretik.
