Gizartea -
Igande honetan
Osasun publikoaren aldeko 'marea zuri' berria deitu dute Madrilen
Osasun Publikoaren Defentsarako Mahaia kalera aterako da berriro igande honetan ospitalen eta osasun zentroen kudeaketaren azpikontratazioa salatzeko.
Erredakzioa
Madrilgo sei ospitalen eta 27 osasun zentroren kudeaketaren azpikontratazioaren aurka egiteko 'marea zuri' berria deitu du igande honetako Osasun Publikoaren Defentsarako Mahaiak.
Gauzak horrela, deialdian parte hartzeko Madrilgo herritarrak animatu dituzet. UGTk azaldu duenez, bi zutabe izango dira: bata, Colon Plazatik abiatuko da, eta bestea, Neptuno Plazatik. 12:00etan Zibele Plazan bilduko dira eta Soleko Plazan amaituko dute manifestazioa.
Ospitalen kudeaketa azpikontratatzeak aurrera egingo du Madrilgo Osasun kontseilariak iragarritako asmoa betetzen bada. Ondorioz, Osasun Publikoaren Defentsarako Mahaiak mobilizazioa ezinbestekoa dela azpimarratu du, osasun publikoaren eraso berriaren aurrean batasuna eta indarra erakusteko.
Pribatizazioa
Gaurko martxaren antolatzaileen esanetan, Madrilgo Gobernuak planak "osasun publikoaren hondamendia ekarriko du, eta ospital publikoak eta osasun zentroak pribatizatzeko bidea irekiko du". "Kalitatezko osasun publiko eta unibertsalaren alde egingo dugu, eta indarrezko garbitze horren aurrean, osasun publikoa defendatzeko deia egin nahi diegu herritarrei", adierazi du kolektibo horrek.
Osasun publikoaren defentsarekin bat egin duten hainbat auzokideen elkartek, sindikatuek, herritarrek eta kolektibo profesionalek osatzen dute Osasun Publikoaren Defentsarako Mahaia.
