Nafarroak alegazioak aurkeztuko ditu, etorkinen osasun arreta dela-eta

Auzitegi Konstituzionalak egoera irregularrean dauden etorkinei Nafarroan osasun arreta eman ahal izateko foru dekretua geldiarazi du, Rajoyren Gobernuak eskumen-gatazka aurkeztu ondoren.

Erabaki horren aurrean alegazioak aurkeztuko ditu Nafarroako Gobernuak, eta etenaldia indarrik gabe uztea eskatuko du.

Beste arrazoi batzuen artean, Nafarroako autogobernu eskumenetan oinarrituko du eskaera Foru Gobernuak, eta antzeko dekretu batekin Euskadin gertatutakoa oinarri hartuta, Konstituzionalak etenaldia bertan behera uztea espero du, ohar batean adierazi duenez.

Urrian, Nafarroako laguntza unibertsaltzeko sistemara sarbidea izateko osasun dekretua aldatzea onartu zuen Foru Gobernuak, eta aldaketa egin zituen, besteak beste, barruan egoteko laguntza ekonomikoak gaurkotzea.

Bestalde, Foru Gobernuak osasun laguntzaren tasen deialdia ere baimendu zuen, Erkidegoan urtebete baino gehiago zeramatzaten pertsonei zuzenduta.