Gizartea -
Operazioak zabalik dago
Iranera material nuklearra zeraman sarea desegin dute Araban
Poliziak kamioi bat atxiki du Durangoko ordainlekuan eta Inconel 625 materialeko 44 balbula atzeman dituzte. Material hori bereziki egokia da industria nuklearrean erabiltzeko.
Erredakzioa
Espainiako Poliziak Iranera material nuklearra zeraman sarea desegin du, Amurrioko anpresa batekin lotutakoa, Barne Ministerioak aditzera emandakoaren arabera. Operazioan bi pertsona atxilotu dituzte .
Poliziak kamioi bat atxiki du Durangoko ordainlekuan eta karga atzeman dio. Kamioia Fluval Spain S.L. Amurrioko enpresakoa da, eta Iranera zihoan.
Karga Iconel 625 materialeko 44 balbulak osatzen zuten, % 25ko nikela eta % 20ko pisu-kromoa aleazioarekin. Konposizio horri esker, materialak erresistentzia handia dio korrosioari eta industria nuklearrean erabiltzeko berezi aproposa egiten du.
Europar Batasunak debekatu egin zuen horrelako materialak Iranera esportatzea, bertako programa nuklearrera bideratzeko arrisku handia dagoelako.
Egoitza soziala, Euskadin
Kamioaren jabetza duen enpresak Euskadin dauka egoitza soziala, eta Arabiar Emirerri Batuetako enpresak erabiltzen zituzten bidalketak antolatzeko eta ordainketak beste herri batzuetako bankuen bidez bideratzeko.
Halaber, merkataritza-harremanak izan dituzte Europar Batasuneko zerrendetan agertzen diren Iraneko zenbait erakunderekin. Zerrenda horietan Iraneko Programa Nuklearrarekin lotura duten erakundeak agertzen dira.
