Ryanair da gehiegikeria gehien egiten duen airelinea

Facua kontsumitzaileen elkarteak galdetutako bidaiarien % 70ak Ryanair gehiegikeria gehien egiten dituen airelinea dela ziurtatu du, eta bigarren postuan Iberia dago, nahiz eta distantzia handira (% 10).

Horrela, 1.089 bidaiarien artean eginiko ikerketan, hamarretik zazpik irlandar konpainia izendatu dute gehiegikeria gehien egiten dituen airelinea bezala. Ikerketa horrekin, sektore horretan dauden irregulartasunak nabarmendu nahi ditu Facuak.

Gainera, bidaiarien % 93ak Sustapen Ministerioak beren eskubideak defendatzen ez dituela uste du, aire konpainiek egiten dituzten irregulartasunen aurka ezer gutxi egiten duela (% 57) edota ezer (% 36) egiten ez duela uste baitu.

Erabiltzaileek ez dituzte eskubideak ezagutzen

Kalitateari dagokionez, galdetutakoen % 70ak uste du kalitatea jaitsi egin dela. Iazko inkestarekin alderatuta, zortzi puntuko areagotzea izan da, eta 2010. urtearekin alderatuta, 19 puntukoa.

Facuaren arabera, hegazkina galdu, atzeratu edo ekipajea galduz gero, erabiltzaileen % 70ak ez dakizki zeintzuk diren bere eskubideak.