Krisi Ekonomikoa -
Ecofinen bilera
Espainiak hiruhilekorik zailena bizi duela esan du De Guindosek
Langabezia datuak ''txarrak'' direla onartu du, eta 2013 hasierarako ekonomia suspertzea espero du.
Erredakzioa
Luis de Guindos Gobernuko Ekonomia ministroaren hitzetan, azaroko langabezia datuak txarrak dira, eta, Espainiak ''hiruhilekorik zailena'' bizi badu ere, 2013 hasierarako ekonomia suspertzea espero duela esan du ministroak.
"Datuak txarrak dira, langabeziari begiratuta zein Gizarte Segurantzaren afiliazioari erreparatuta ere. Arrazoi zehatzak baldin badaude ere, datuak ezin dira leundu. Txarrak dira'', esan du Bruselan, Europar Batasuneko Ekonomia ministroen bileran (Ecofin).
''Ekonomiak hazkunde negatiboa abiatu zuenetik hiruhilekorik txarrena da hau'', esan du De Guindosek. Hala ere, 2013 hasierarako ekonomia suspertzea espero duela esan du ministroak.
