Ekonomia -
Batzar Nagusiak
EAJk zuzenketa osoa aurkeztuko du Bilduren aurrekontuen kontra
Markel Olano jeltzaleak iragarri du, izan ere, Olanoren iritziz, koalizio abertzaleak EAJrekin 2012ko aurrekontuak onartzeko sinatutako akordioak hautsi ditu.
Erredakzioa
Bilduren gobernuaren politika "oso gertutik" jarraitzeko asmoaren harian, Gipuzkoako aurrekontuei "zuzenketa osoa" aurkeztuko diotela esan iragarri du Markel Olano Gipuzkoako Biltzarretako EAJko bozeramaileak.
Onda Vasca irratian egindako elkarrizketan, Bilduk 2012ko aurrekontuak onartzeko EAJrekin adostutakoa ez duela bete salatu du, eta, Olanoren hitzetan, horrek dinamika "negatiboa" eragin du hondakinen kudeaketan, errepide-sarean eta ekonomia suspertzeko ahaleginetan.
Halaber, Olanoren iritziz gizarteak nekez ulertuko du Bilduk EAJren elkarrizketa proposamenei bizkarra ematea, jeltzaleeak alderdi guztiei eman baitiete "erakunde guztietan aurrekontuak onartzeko akordio zabala lortzeko aukera".
Azkenik, eta Gabonetako aparteko soldatari dagokionez, Olanok esan du Biltzar Nagusietako langileek aparteko soldata hori kobratzea espero duena, lurraldeko parlamentua izanik, "tratamendu diferentea" duelako, bai juridikoki eta bai teknikoki.