Greba deitu dute apirilaren 9an Nafarroako Administrazio publikoan, "benetako negoziazioa" eskatzeko
Administrazio Publikoko Mahai Orokorreko sindikatuek (LAB, AFAPNA, CCOO, ELA eta UGT) greba deitu dute apirilaren 9rako, Nafarroako Gobernuari langile publikoen baldintzak hobetzea eta "benetako negoziazioa" eskatzeko.
"Bost hilabetez era guztietako saiakerak egin ditugu Foru Gobernua Mahaian eser dadin, ez dugu lortu eta ez digute erantzunik eman. Greba jarrera horren ondorioa da", azaldu du Isabel Artieda LAB sindikatuaren ordezkariak prentsaurrekoan.
Negoziazioari heltzeko orduan "Nafarroako Gobernua blokeoa egiten eta utzikeriaz jarduten" ari dela kritikatu dute, eta apirilaren 9rako greba eguna deitu dute. Administrazioko behargin guztiei dei egin diete bat egiteko.
Larrabide estadioaren instalazioetan egindako agerraldian, Foru Exekutiboari eskatu diote langileentzako estatutu berri bat, enpleguaren egonkortasuna eta behin-behinekotasuna % 8tik behera murriztea, Osasunari buruzko Foru Legearen Aurreproiektuan Osasunbideren enpresa-erakunde publikoaren sorrera geldiaraztea, eta "sektore horretako profesionalen arteko aldeak desagerraraztea".
Era berean, langile kopurua handitzea, Nafarroako KPIa aplikatuz behargin guztien soldata igotzea eta "erosteko ahalmena berreskuratzeko" neurriak ezartzea aldarrikatu dute sindikatuek.
Ildo horretan, familia eta lan-bizitza uztartzeko neurriak ere eskatu dituzte, "sektore publikoan pribatizazio politika amaitzea eta orain arte pribatizatutakoa lehengoratzea", eta karrera profesionaletan "prestakuntza eta dedikazioa sustatu eta ordainduko duten irizpide objektiboak" aplikatzea.
Negoziazioak, "kontrol sindikaletik kanpo"
Mahai Orokorrari ere balioa eman diote, "langileen zilegitasuna eta babesa duen foroa baita, inolako kontrol sindikaletik kanpo bulegoetan eta bilera-geletan egiten ari diren negoziazioen aurrean", salatu du Artiedak.
Mobilizazioei dagokienez, Artiedak jakinarazi du goizean bat egingo dela, hainbat zutabetan atera eta Carlos III.ean batuko dela, eta arratsaldean beste manifestazio bat egingo dela; hori oraindik zehazten ari dira.
Medikuen grebaren lanuzteekin bat egin nahi duten galdetu diotenean, honakoa erantzun du Artiedak: "Mahai Orokorrean egoteko ordezkaritza nahikoa ez duen sindikatua da, eta ez dugu berririk lanuzteak noiz egingo dituzten".
Albiste gehiago ekonomia
Lodosako Karey Solanok konkurtsoa egingo du, eta lantegia itxi eta 36 beharginak kaleratuko ditu
Langile gehienak oso aspaldi hasi ziren lanean, eta batez beste 50 urtetik gorakoak dira. CCOOk salatu du oraindik ez dutela abuztuko nomina jaso.
Ostiralean sei hilabete beteko dira Gasteizko lorezainek grebari ekin ziotenetik, eta manifestazioa deitu dute egun horretarako
Gaur goizean Gasteizen egindako prentsaurreko batean, Enviser enpresako langileek "borrokarekin jarraitzeko" asmoa agertu dute, "soldata duinak lortu arte". Gainera, langileak akordiorako prest agertu dira, baina hori lortzeko "Gasteizko Udalaren benetako inplikazioa" beharrezkoa dela uste dute.
Zeintzuk dira BBVAren eskaintza berriaren gakoak?
Josu Ferreiro EHUko irakasleak Radio Euskadin egin duen elkarrizketa batean adierazi duenez, erakundeak Kataluniako bankuko akziodunen zati handi batek eskatzen zuenera egokitu du bere proposamena, lehen eskaintzari uko egin baitzioten, nahikoa ez zelakoan. Ferreirok zehaztu duenez, BBVAk ez du eskudirutan ordainduko, akzio propioetan baizik, eta horrek abantaila fiskala dakarkie akziodunei, zergak gutxiago ordaintzea dakarrelako. Mugimendu horrekin, Carlos Torres Vila buru duen bankuak Sabadellen akzioen merkatuko balioa berdindu du, eta horrek opak aurrera egiteko aukerak areagotu ditu, nahiz eta BBVAri berari kostu handiagoa ekarri. Hobekuntza berri bat egon litekeen galdetuta, ekonomialariak uste du zaila dela: "BBVAk argudiatu zuen Sabadellen akzioak gainbaloratuta zeudela. Orain, alde hori desagertu egin da. Beste eskaintza bat baztertu beharko litzateke, hau izango litzateke azkena", adierazi du. Elkarrizketa Boulevard saioan entzun daiteke, GUAUn, 02:50: 00etatik aurrera (jatorrizkoa, gaztelaniaz).
2026an jarriko da martxan Petronorren eta OCO Technologyren agregakin sintetikoen planta, Bilboko Portuan
Proiektua 2024an hasi zen eraikitzen, eta Europa kontinentalean agregakin sintetikoak fabrikatuko dituen lehen lantegi industriala izango da. Agregakin horiek CO2 gasa harrapatzen dute, bai ekoizpen prozesuan zehar, baita horien bizitza baliagarrian ere.
BBVAk % 10 igo du Sabadell bankua eskuratzeko eskaintza
Carlos Torres BBVAren presidenteak azpimarratu duenez, hobekuntza eginda "aparteko eskaintza" jarri dute Banco Sabadellen akziodunen esku, "balorazio eta prezio historikoarekin, eta bi bankuen batasunarekin sortutako aukera apartan parte hartzeko aukerarekin". Sabadellek, bere aldetik, erantzun du azken eskaintza "jatorrizkoa baino okerragoa" dela.
Maderas de Llodio, greba mugagabean
Langileen batzordeak salatu du enpresak produkzioaren % 40 beste lantegi batzuetara eramateko asmoa duela, eta deslokalizazioak Laudioko eta eskualdeko "lantegiaren etorkizuna arriskuan jartzen" duela.
Multiverse Computingek % 30 handituko du bere lantaldea Donostian
Software kuantikoan eta adimen artifizialean espezializatutako enpresa donostiarrak datorren urtean 60 pertsona kontratatzea aurreikusten du. 4 langile zituztela abiatu zuten konpainia 2019an, eta 260 izango dira laster.
Pentsiodunak Euskadiko hiriburuetan manifestatu dira gutxieneko pentsioak LGSarekin parekatzea eskatzeko
Ehunka pertsonak bat egin dute Gasteizen eta Donostian Euskal Herriko Pentsiodunen Mugimenduak deitutako manifestazioekin; hain zuzen ere, osteguneko Legebiltzarreko bozketan presioa egiteko, gutxieneko pentsioak Lanbide arteko Gutxieneko Soldatarekin (LGS) parekatzea eskatzeko.
Petronorreko enpresa batzordeak enpresaren egoera "tamalgarria" salatu du, eta "presio neurriekin" mehatxu egin du
Plantillako ordezkariek adierazi dute ez direla bete zuzendaritzarekin lortutako akordioak, eta nabarmendu dute "tamalgarria" dela Muskizko findegiko instalazioen egoera.
?fmt=webp-alpha&qlt=80)
Urte amaierarako 4.000 plaza baino gehiagoko lan-eskaintza publikoa deitzea aurreikusten du Osakidetzak
Lehen Mailako Arretan betetzen zailak diren 169 plazaren esleipena amaitzen ari da Osakidetza, landa-eremuetako, arratsaldeko txandetako eta Etengabeko Arreta Guneetako asistentzia indartzeko.