Krisi Ekonomikoa -
2013-2015 negozio plana
Gamesak 368 langile kaleratzeko espedientea aurkeztu du
Gamesak 1.800 pertsona kaleratuko ditu mundu mailan, langileen % 20,2, 2012ko urriaren eta 2013ko lehen hiruhilekoaren bitartean.
Erredakzioa
Gamesa airesorgailuen ekoizleak astearte honetan aurkeztu du 480 langile kaleratuko dituen lan Erregulazio Espedientea, enpresako iturriek jakinarazi dutenez.
Espedientea atzo aurkeztu behar zutela adierazi zuten sindikatuek, baina, azkenik, enpresak gaur eman du erabakiaren berri.
Gamesak 1.800 pertsona kaleratuko ditu mundu mailan, langileen % 20,2, 2012ko urriaren eta 2013ko lehen hiruhilekoaren bitartean.Neurri horien ostean irabaziak izatea da asmoa.
Estatuan, zehazki, 480 langile kaleratzea ekarriko du tamaina egokipen horrek, hau da, langileen % 10,9, enpresak zabaldu duenez.
Gamesak, 2013-2015 eperako, ahalik eta etekin handiena lortu nahi du tamaina txikiko negozioen bidez; negozioak 1.800 eta 2.000 megavatiokoak (MW) 2013an eta 2.200 eta 2.400 MW artekoak, 2015ean, izango dira.
Gamesaren planak 100 milioi euro aurreztea ekarriko du. Kaleratzeetatik 283 Nafarroan egingo dituzte, 85 Euskal Autonomia Erkidegoan, 80 Madrilen, sei Andaluzian, lau Aragoin, bi Gaztela-mantxan, bederatzi Gaztela Leonen, bat Katalunian, bi Valentzian, zazpi Galizian eta bat Errioxan.
