Krisi Ekonomikoa -
Zorraren interesak
Alemaniak 70.000 milioi aurreztu ditu Euroguneko krisia hasi zenetik
Krisiaren bitartez etekinak lortu dituzten beste herrialde batzuk Holanda, Finlandia eta Austria dira. Horiez gain, eurogunetik kanpo AEBek eta Erresuma Batuak ere dirua lortu dute.
Erredakzioa
Badirudi Europa astintzen duen krisi ekonomikoak ez duela berdin eragiten herrialde guztietan, adibidez Alemanian. Herrialde horrek konfiantza sortzen du inbertitzaileen artean, eta horri esker ekonomikoki hazteko aukera ematen dio.
Adibidez, Europa erdialdeko herrialde horrek bere zorrak sortzen dituen interes-tasa baxuetaz baliatzen da. Horrela, uztailean bere historiako kosturik baxuenean kokatu zituen hamar urteetarako bonoak, hain justu % 1,31ra. Alderatzeko, krisia hasi aurretik, errentagarritasuna % 4koa zen.
Krisiaren bitartez etekinak lortu dituzten beste herrialde batzuk Holanda, Finlandia eta Austria dira. Horiez gain, eurogunetik kanpo AEBek eta Erresuma Batuak ere dirua lortu dute, krisiaren hasieran zituzten zor publikoak Espainiarenak baino handiagoak ziren bitartean.
Aurrezte hori izan daiteke Bundesbank Europako Banku Zentralak (EBZ) Espainia edo Italia bezalako herrialdeen zorra erosteko aukeraren aurrean kontran egoteko.