Krisi Ekonomikoa -
Finantzaketa
Kanariak 756 milioi euroko erreskatea eskatu du
Erkidegoen Likideziarako Funtsara joko du, zorra ordaindu eta defizitari aurre egin ahal izateko. Erreskatea eskatzen duen bosgarren erkidegoa da.
Erredakzioa
Kanarietako Gobernuak ere erreskatea eskatu du. Erkidegoen Likideziarako Funtsara joko du, 756,8 milioi euro lortzeko. Zorra ordaindu eta defizit-muga bete ahal izatea da helburua, Javier Gonzalez Ortiz Ekonomia kontseilariak argitu duenez.
Zehazki, 326 milioi behar ditu zorra ordaintzeko, eta beste 430 milioi defizit-muga bete ahal izateko.
Kontseilariak azpimarratu duenez, Erkidegoen Likideziarako Funtsan merkatuan baino baldintzak hobeak lor ditzaketelako jo dute bertara. ''Erkidegoaren bideragarritasun ekonomikoa ez dago zalantzan'', esan du kontseilariak. Gonzalez Ortizek argitu duenez, biztanleko zor txikiena duen erkidegoa da Kanariar Uharteak.
Bosgarrena
Gobernuari erreskatea eskatu dion bogaren erkidegoa da Kanarietako Uhartea. Aurretik Kataluniak (5.000 milioi), Valentziak (3.500 milioi), Murtziak (641 milioi) eta Gaztela Mantxak (848 milio) eskatu izan dute.
Andaluziak ere 'seguraski' 4.906 milioi euroko erreskatea eskatuko du iragarri zuen joan den hilean.
