Euriborra % 1etik jaitsi da, eta hipotekak merkatu egin dira

Hamabi hilabeterako euriborra, hipotekak kalkulatzeko adierazle nagusia, % 1etik jaitsiko da lehen aldiz abuztuan. Interesa % 0,88ra iritsi da, minimo historikora alegia, eta urtean hipotekak 1.000 bat euro merkatuko ditu.

Uztailean, % 1,061ean kokatu zen euriborra; mailarik baxuenean. Orain errekorra hautsi du berriz ere, euroguneko kontratazioen aurreikuspena dela eta, eta interes-tasa berriro jaitsiko da; egun, % 0,75ean dago. Euriborraren eguneroko kotizazioak datu horretara hurbiltzen joan da abuztuan zehar; abuztu hasieran % 0,9an zegoen, eta orain % 0,812an dago, ia 14 urteko historian eguneroko euriborrak izan duen mailarik txikienean. Iazko abuztuan, % 2,097an zegoen euriborra; beraz, hilean % 85,69 jaitsi da. Hori dela eta, hipotekak 1.028,28 euro merkatuko dira urtean. Horrela, 25 urterako 150.000 euroko hipoteka bat eskatu dutenak hilean 642,89 euro ordaintzetik 557,2 euro ordaintzera igaroko dira.