Merkelek Greziari konpromisoak betetzea eskatu dio berriro

Angela Merkel Alemaniako kantzilerrak azaldu duenez, Greziak eurogunearen parte izaten jarraitzea nahi du, baina Atenaseko Gobernuak erreformen konpromisoa dagokion denboran bete beharra duela nabarmendu du, Europako Batasuneko kideekin babesa eduki ahal izateko.

"Grezia eurogunearen parte da, eta hala izaten jarraitzea nahi dut", esan du Merkelek Andonis Samaras Greziako lehen ministroarekin egindako prentsaurrekoan.

Samarasek esan du bere Gobernuak ez duela diru gehiago nahi, baina bai "arnasa hartzeko aire gehiago", erreformak eta aurrezkieak betetzeari dagokionez Europar Batasunak ezarritako epeen harira.

Fraçois Hollande Frantziako presidentearekin atzo egin bezala, Merkelek Greziaren inguruko troikaren (Europak Batzordeak, Europako Banku Zentralak eta Nazioarteko Diru Funtsak osatzen dute) txostenari itxaron beharra dagoela nabarmendu du.

Eurogunetik irtetzeko aukera

Alemaniako Gobernuak Finantza Ministerioan lan egiten duen eta Grezia Eurogunetik irtetzeak eragingo lituzkeen ondorioak aztertzea helburu duen lan talde baten existentzia onartu du, Financial Timesen alemaniar edizioak horren inguruko albiste bat klaeratu ostean.

Albistearen inguruan galdetuta, Martin Kotthaus Finantza Ministerioko ordezkariak garrantzia kendu nahi izan dio gaiari, eta gerta daitezkeen egoera guztiak aztertu behar direla azpimarratu du, "nahiz eta hori gertatzeko aukera gutxi egon".