Garoñak Belgikako zentral baten akats bera duen ikertzen ari dira

Segurtasun Nuklearrerako Kontseilua Cofrenteseko eta Garoñako ontzien (Doel 3 erreaktorearen empresa berak egiten ditu, eta Belgikan itxi egin zuten pitzadurengatik) fabrikazioaren dokumentazioa aztertzen ari da. Hasierako kasu batean "potentzialki" ez zioten eragingo.

Segurtasun Nuklearrerako Kontseiluak ohar batean adierazi duenez, Cofrenteseko (Valentzia) ontzia ez litzateke potentzialki kaltetuta egongo Belgikan aurkitutako akatsengatik, ontzia sortzeko prozesua eta materiala Doel 3ren ezberdinak direlako.

Garoñan ontzia sortzeko fabrikazioan Doel 3an erabilitakoaren antzekoa da, baina ezberdintasunak daude, besteak beste: ontziaren tamaina, lodiera, dimentsioa, egindako piezak eta erreaktore mota.

Belgikako Kontrol Nuklearreko Agentzia Federalak, Doel 3 ontzian fabrikaziotik etor zitezkeen akatsak aurkitu ostean, abuztuaren 16an ondorengo estatu hauetako nuklear erreguladoreak deitu zituen: AEB, Frantzia, Suitza, Suedia, Holanda, Alemania, Erresuma Batua eta Espainia.