Berandu ordaintzen duten maizterrak 10 egunetan kalean geratu daitezke

Alokairuaren errenta ordaintzen atzeratzen diren maizterrak hamar eguneko epean kaleratu ahal izango dira epailearen aurrean argudiorik azaltzen ez badute, Alokairuaren Merkatuaren Sustapen Legearen Aurreproiektuaren arabera. Ministroen Kontseiluan onartuko da ostiral honetan.

Ana Pastor Sustapen ministroak azaldu duenez, arau hori indarrean sartzean, alokatzaileak jurisdikzio bidetik joan beharko du eta adierazpen-epai bat lortu ordaindu gabeko errentak kaleratzean amaitzeko. “Halaber, maizterrak azken orduan ordaintzeko aukera zuen eta egikaritzea ekidin zezakeen” gaineratu du.

Lege berri honen bitartez, alokatzaileak salaketa epaitegian jartzen duen egunetik 10 eguneko epea jarri da maizterrak egin beharreko ordainketa egiteko, “eta, egin ezean, epaileak kontratuaren ebazpena egiteko ordena eman dezake, izapide gehiago beharrik gabe”. Horrez gain, prozesuaren finantzaketa epailearen autoaren bidez egingo da, orain arte Idazkari Judizialak eraman du hori.

Pastorren ustez, “ebazpen bat emateko orain arte eskatzen ziren prozesu guztiak murriztu nahi dira, argi dagoena da ordaintzen ez duenak ez duela ordainduko epea luzatu arren”.