Krisi Ekonomikoa -
Konpromisoa
Merkelek eurogunea babesteko 'ahal den guztia' egingo duela esan du
Alemaniako kantzilerrak Frantziako presidentearekin batera Europako azken goi-bileran lortutako akordioak “lehenbailehen” aplikatzeko beharra nabarmendu du.
Erredakzioa
Alemaniako eta Frantziako Gobernuek gaur ohar batean “eurogunea” babesteko beharrezkoa den guztia egiteko prest daudela azaldu dute.
Telefonoz izandako hizketaldi baten ostean, Angela Merkel Alemaniako kantzilerrak eta François Hollande Frantziako presidenteak azaldu dutenez, Euroguneko kide diren herrialdeek euren betebeharrak bete behar dituzte dagokien lekuan.
Halaber, bi herrialdeek Europako azken goi-bileran lortutako akordioak “lehenbailehen” aplikatzeko beharra nabarmendu dute.
