Montoro: ’2013ak atzeraldiko azken urtea izan beharko du’

Cristobal Montoro Ogasun ministroak astearte honetan 2013a urte "zaila" izango da eta "doikuntzak" egin beharko direla esan du, baina atzeraldi ekonomikoko azken urtea izan beharko duela gaineratu du, lanpostuak galtzen ari diren egoera honek jarraitzeko "denbora gehiago ez" dagoelako.

Diputatuen Kongresuan Estatuko aurrekontu orokorrak egiteko gehienezko gastua 126.792 milioi eurokoa izango dela esan du, eta 2013ko aurrekontuen politika ekonomikoa (BPGren % 0,5 jaistea aurreikusi da) defizita bideratzearen aldekoa izango da.

Ministroak azaldu duenez, "Defizita ez dugu zuzenduko atzeraldi gehiago ekartzeko, enplegua sortzeko itxaropena irekitzeko eta Espainiako ekonomiaren finantzaketa ondo zuzentzeko baizik".

Horregatik, Gobernuak "akordioak" nahi dituela nabarmendu du Montorok, eta Palmantuko gainerako alderdiei eskua zabaldu eta "errealistak" izateko eskatu die.

Europako erakundeei ere dei egin die, haren ustez euren jarduerak zeintzuk diren definitzeko "arazoa" baitute.

Autonomia erkidegoek egia esateak poztu egin du Montoro Cristobal Montoro Ogasun ministroa autonomia erkidegoek herritarrei egia esateak poztu du, euren finantzaketan laguntza behar dutela esanez. Besteak beste honako herrialde hauek eskatu dute ‘erreskatea’: Valentziak, Murtziak eta Kataluniak.

"Onuragarria da herritarrei egia esatea", esan du Montorok Kongresuko osoko bilkuran.