Krisi Ekonomikoa -
Gaur
Eurotaldeak Espainiako bankuen erreskatea onartuko du
Finantza ministroek telekonferentziaz onartuko dituzte 100.000 milioi eurora arteko laguntzaren baldintzak.
Erreskatea
Eurotaldeko finantza ministroak eguerdian elkartuko dira, telefono bidez, Espainiako banketxeentzako erreskateari argi berdea emateko. 100.000 miloi euroko mailegua izango da eta lehenengo euro-sorta hilaren amaieran iritsiko zaio Espainiari, 30.000 milioi euro hain zuzen ere.
Erreskate funtsarekin Rajoyren Gobernuak sinatuko duen kontratuak dio banketxeak birkapitalizatu eta gero, dirua soberan geratuko balitz, merkatuak baretzeko edo Estatuaren beste beharretarako erabili ahal izango duela Gobernuak.
Europar Batzordeak, ordea, argitu nahi izan du hori paperean idatzita dagoena dela, baina Espainiak bankuentzako laguntzaz gain beste premia batzuk izango balitu, beste erreskate bat eskatu beharko duela.
Finlandiak gaur goizean onartuko du Espainiako banketxeen erreskatea. Alemaniak atzo onetsi zuen.
