Langile falta, absentismoa eta gatazkak, Bizkaiko enpresen kezka nagusiak
CEBEKeko enpresenburuek itxaropenez begiratzen diete datozen hilabeteei, eta pertzepzio positiboa izan arren, ohiko kezkak dituzte oraindik; profil profesional jakin batzuk dituzten langileak kontratatzeko zailtasunak, enpresetan dagoen absentismo handia eta hitzarmen kolektiboen negoziazioan dauden gatazkak, besteak beste.
Galdetegian parte hartu duten enpresaburuen % 52k uste dute Bizkaian egoera ekonomiko ona dela, eta % 39k, berriz, erdipurdikoa dela. Pertzepzio hori, baina, hobetu egin da 2022ko datuekin alderatuta. Ekonomiaren berpizte txiki bat aurrikusten dute urteko bigarren seihilekorako, eskaera, faktura eta inbertsioetan.
Hala ere, eta kezken lehen postuan, negozioen errentagarritasunaren jaitsiera nabarmendu dute, batik bat mozkin-marjinak behera egin duelako, nahiz eta inkestan parte hartu dutenen % 31k errentagarritasunean hobekuntza txiki bat sumatu (% 25 gehiago).
Horrez gain, enpresaburuek ohiko kezkak azpimarratu dituzte, tartean, langile falta; izan ere, % 63k adierazi dute zaila dela behar dituzten langileak kontratatzea, eta % 53k adierazi dute azken urtean ez dutela plantilla handitu arrazoi horrengatik.
Gatazka-maila onartezina
Enpresaburuen aburuz, "onartezina da Euskadi bezalako herrialde batek, Espainia osoko lan- eta soldata-baldintza onenak dituenak, 2022an erregistratutako greben erdiak Bizkaian izatea".
Bizkaiko patronalak kritikatu egin ditu negoziazio kolektiboan akordioak lortzeko dauden zailtasunak, eta, horren ondorioz, hitzarmenak berritzeko epea 3-5 urtekoa izatea. Hitzarmenak berritzeko atzerapen hori "euskal gehiengo sindikalaren (ELA eta LAB) gatazka eta konfrontazio dinamikak" eragiten duela uste dute.
Albiste gehiago ekonomia
Industriaren geldialdiak ekonomiaren hazkundea galarazten duela ohartarazi du Adegik
Fakturazioak eta eskariak ez omen dira hazten azken boladan. Enplegua ere gutxiago hazten ari da, eta Gipuzkoako enpresek uste dute laster batean hazkunde hori “zero" izango dela.
Euskadiko Medikuen Sindikatua kalera atera da Estatutu Markoaren zirriborroaren aurka
Lanuzteak bestelako jarraipena izan du EAEko hiru probintzietan: Bizkaian, profesionalen % 30ek egin dute greba; Gipuzkoan, % 26,89k; eta, Araban, % 16,52k, Osakidetzaren arabera. Arratsaldean, parte-hartzea % 10,33ra jaitsi da EAEn.
Jaurlaritzak bertan behera utzi du angula arrantzatzeko 2025-26ko kanpaina, espeziearen egoera "kritikoa" dela eta
Hainbat txostenen arabera, orain arte aplikatutako neurriek ez dute balio izan espeziearen egoera kritikoa lehengoratzeko, eta, horren aurrean, Arrantza Sailak espeziea berreskuratzeko neurriak indartzea erabaki du egoera atzeraezina izan baino lehen.
Medikuak kalera atera dira Estatutu Markoaren zirriborroaren aurka
Lan-baldintzak negoziatzeko mahai propioa exijitzen dute medikuek. "Guk diseinatu eta negoziatu nahi dugu, negoziazio-mahai horretan ordezkaritza ia nulua baitugu", adierazi du Ana Santorcuato Euskadiko Medikuen Sindikatuko ordezkariak.
Medikuak estatutu propioa eskatzeko greba egiten ari dira Estatu osoan
Osasun publikoko medikuek greba eguna dute gaur Estatu osoan. Euskadin, gainera, Euskadiko Medikuen Sindikatuak (SME) elkarretaratzeak deitu ditu hiru hiriburuetako ospitale eta anbulatorioetan.
Gasteizko lorezainak eta Enviser enpresa, akordioa lortzeko bidean
Bilera luzea izan dute ostegun honetan Precon, eta itxaropentsu irten dira. Langileak batzartuko dira eta enpresak dagozkion kontsultak egingo ditu, hurrengo bileran akordioa ixteko helburuarekin.
Lan-eskaintza publikoetan euskara blindatzeko EAJ eta EH Bilduren proposamena izapidetzea ahalbidetu dute
Eusko Legebiltzarrak bi lege proposamen izapidetuko ditu lan-eskaintza publikoetan euskara blindatzeko. EAJk bat aurkeztu du, eta PSE-EE gobernukideak ez, baina EH Bilduk babestu egin du. Koalizio soberanistak beste bat aurkeztu du, eta jeltzaleen abstentzioari esker aurrera atera da.
Irailean, langabezia-tasa % 2,02 jaitsi da EAEn, eta % 0,4, Nafarroan
2024ko iraileko datuen aldean, 1.027 langabe gutxiago (% 0,95) daude EAEn, eta 1.232 gutxiago (% 4,16), Nafarroan. Halaber, abuztutik irailera, Euskadiko Gizarte Segurantzan 11.475 lagun afiliatu dira; Nafarroan, aldiz, 719 pertsona gutxiago daude Gizarte Segurantzan izena emanda.
Alokairuen indizeak 500 euro baino gehiago jaitsi ditu Donostian eskainitako prezioak
Gipuzkoako herri tentsionatuetan, azken bost urteetan alokatuta egon ez diren edo lehen aldiz merkaturatu diren edukitzaile handien eta pisuen kontratu berriei bakarrik aplikatu beharko zaie prezio-tarte berria.
Eusko Jaurlaritzak Indartuz inbertsio funtsa sortuko du, eta 400 milioirekin hornituko du
Gainera, Finkatuz inbertsio funts publikoak estatutuak eguneratuko ditu enpresetan parte hartzeko irizpideak malgutzeko. Esaterako, ez da horretarako baldintza izango enpresak egoitza Euskadin izatea, eta nahikoa izango da lurraldean "eragina" izatea.