Hollande eta Merkel, Europako batasun ekonomiko handiago baten alde

François Hollande Frantziako presidentea eta Angela Merkel Alemaniako kantzilerrak asteazken honetan Parisen euroguneak aurre egin beharreko egoera zaila nabarmendu dute, eta batasun ekonomiko handiago baten alde egin dute.

Frantziako estatuburuak esan du ostegunean hasiko den Europako Batzordea “garrantzitsua” dela, baina alde aurretik egindako lanak aurrerapausoak lortu dituela nabarmendu du, “hazkuntzari dagokionez batik bat”.

"Europaren etorkizunarentzat oso garrantzitsua den goi-bilera bat izango da biharkoa”, esan du Alemaniako kantzilerrak. Halaber, biharko bileran hazkuntza akordioaren alde egingo dela eta etorkizun politikoa eta ekonomikoa hausnartuko dutela uste du.

Alemaniako kantzilerrak esan duenez, Eurotaldeko kideek “etorkizuneko Europa indartsua eta egonkorra” sortu beharra dute, “funtzionatzen duen Europa handiago bat” eta “kideetako batek besteari laguntzen dion bat”.