Merkelek Euroguneko kideen zorra denen artean ordaintzea baztertu du

Euroguneko herrialdeen zorra kide guztien artean ordaintzeko edozein neurri hartzea baztertu du Angela Merkel Alemaniako presidenteak. Horrez gain, krisi ekonomikotik ateratzeko aurkeztu diren irtenbide guztiak “faltsuak” direla gaineratu du.

Euroguneko kideen goi-bilera hasi aurretik egindako adierazpenetan, bilera horretan “eurobonuen” inguruan “gehiegi” hitz egingo dutela kritikatu du Merkelek, eta ez herrialdeetako “fiskalitatea gainbegiratzeaz”.

Eurobonuak ematea "iraganeko akatsa" litzatekeela gaineratu du Alemaniako buruzagiak. Merkelen iritziz, herrialdeen zorra denen artean ordaindu ahal izateko neurriak adostu aurretik, Europako kideek "nahitaezko" kontrol fiskalak ezarri beharko dituzte, eta Euroguneko krisia konpontzeko irtenbide "errazik" eta "azkarrik" ez dagoela azpimarratu du.

Azkenik, Mariano Rajoy Espainiako presidenteak Espainiako bankuentzat laguntza ekonomikoa eskatuta “erabaki zuzena” hartu duela azpimarratu du.