Ekonomia -
Mexikon
Euroa 'atzeraezina' dela azalduko du Barrosok, G20ren goi-bileran
Europako Batzordeko presidenteak azaldu duenez, "asmo handiko ekarpen arduratsuak egitea beharrezkoa da hazkundearen oztopoei aurre egiteko eta langabezia maila onartezinak txikitzeko".
Erredakzioa
"Europa eta Europar Batasuna atzeraezinak dira", hori da Jose Manuel Durao Barroso Europako Batzordeko (EB) presidenteak Mexikon izango den G20ren goi-bileran azalduko duen mezua, komunikatu batean azaldu duenez.
Barrosok gainontzeko munduko potentziei adierazi nahi dienaren arabera, EB "martxan jarraitzeko eman beharreko pausoak emateko prest dago, egonkortasuna defendatuz eta hazkundea sustatuz".
"Europa ez dago zailtasunekin gustura eta esfortzu handiagoa egin behar duela" argi utzi nahi du Barrosok.
Europako gainontzeko agintariekin bideokonferentzia bat izan ostean abiatu da EBko presidentea Mexikora.
Bruselarentzat, "asmo handiko ekarpen arduratsuak egitea beharrezkoa da hazkundearen oztopoei aurre egiteko eta langabezia maila onartezinak txikitzeko".