Ekonomia -
Hauteskundeak EAEn
Zabaleta: 'Erbesteratuei boza ematea astakeria da'
Bestetik, Espainiako banketxeen usteko erreskatearen inguruan, "lan eta gizarte eskubideak mantentzeko esfortzua" eskatu du.
Erredakzioa
ETAren mehatxuagatik Euskadi utzi zutenek EAEn bozkatu ahal izateko lege erreforma"martxa berdearekin" alderatu du Patxi Zabaleta Aralarreko idazkari orokorrak.
Bildu osatzen duten alderdiak (ezker abertzalea, EA , Alternatiba eta Aralar) hauteskundeetara koalizioan aurkeztea onartu du aho batez Aralarren Batzarrak . Bertan, PPk erbesteratutakoek EAEn bozkatu ahal izateko nahi duen lege erreforma "Marokoko martxa berdearekin " alderatu du Zabaletak.
"Ez da demokratikoa; astakeria bat da", berretsi du buruzagi abertzaleak, eta proposamen horrek "demokrazia eza" erakusten duela adierazi du.
Bestalde, Espainiako banketxeen usteko erreskatearen aurrean, EAEko eta Nafarroako "eskubide historikoetara" jotzeko eskatu du. "Oso garrantzitsua da, balizko erreskate batek eskumen propioak diren arau fiskaletan ondorioak izan ditzakeelako, eta eragin zuzena izango dute", adierazi du Zabaletak. Ildo honetan, ez Jaurlaritzak, ezta Nafarroako Gobernuak ere, ez dute "erantzun egokirik" eman. bere iritziz.
Gainera, ustezko erreskatearen aurrean, "lan eta gizarte eskubideak mantentzeko esfortzua" egiteko eskatu du, "beste lehentasun batzuen gainetik".