Ekonomia -
Gazte Kontuan
Bankiak Spidermanen toalla bat emango dizu kontuan 300 € gehiagogatik
“Hondartzako Superboterea” deitutako promozio honek aste honetan izango ditu lehenengo irabazleak, eta bi hilabete gehiago iraungo du.
Erredakzioa
Espainiako finantza sistema Bankiaren erreskateagatik asaldatuta dagoen bitartean, erakundeak gazteen kontuentzako promozio berri bat jarri du martxan: Spidermanen film berriaren toalla bat emango dizu hilabete batetik bestera 300 € gehiago baldin badituzu kontuan.
Hondartzako Superboterea deitutako promozio ekintza honek aste honetan izango ditu lehenengo irabazleak. Maiatzaren 31n kontuan hilabete lehenago baino 300 euro gehiago dituzten Gazte Kontuko bezero guztiek jasoko dute oparia.
Halere, erakundearen baldintzetan jartzen duenez, promozio hau ez dute hilabete honetan bakarrik egingo, Spidermanen toalla edukitzeko aukera bi hilabete gehiagotan izango baita, uztailaren 31 arte, hain zuzen.