Merkelek oniritzia eman die Rajoyk Espainian egindako erreformei

Mariano Rajoy Espainiako Gobernuko presidenteak Angela Merkelen oniritzia jaso du, Espainian egindako erreformei eta bankuek egingo duten "gardentasun ariketa"ri dagokienez. Hala ere, beste herrialdeetako finantza-erakundeek gardentasun prozesuak egin ditzaten eskatu dio Rajoyk Merkeli.

"Europar Batasuneko beste herrialde batzuek gauza bera egitea oso positiboa izango litzateke", azpimarratu du Rajoyk Merkelekin bildu ostean kazetariei egindako adierazpenetan. Bilera ontzi batean egin dute eta Chicagoko ibaian ibili dira, NATOren goi-bileraren atarian.

Espainiako presidenteak mugarik gabeko zorpetzea saihestuko duela eta erreformekin aurrera egingo duela ziurtatu dio Merkeli, biak ezinbestekoak baitira, Rajoren iritziz, hazkunde ekonomikoa lortzeko.

"Doikuntzaren eta hazkundearen arteko eztabaidak ez dauka zentzurik; hazkundea bultzatzeko erreforma estrukturalak egin behar dira, eta daukaguna baino gehiago ez gastatzea", esan du galderarik gabeko prentsaurrekoan.