Ekonomia -
Paul Krugmanen adierazpenak
'Grezia eurogunetik aterako da eta Espainian corralitoa gerta daiteke'
2008. urteko Ekonomia Nobel Sariaren ustez, Grezia ekainean aterako da eurogunetik eta, ondorioz, Espainiako eta Italiako bankuetatik "diru kopuru handiak aterako dituzte".
Erredakzioa
Paul Krugman AEBetako ekonomialariaren ustez (Ekonomiako Nobel Saria eman zioten 2008. urtean), Grezia eurogunetik aterako da ekainean eta aurreztaileek Espainiako eta Italiako bankuetatik "diru-kopuru handiak" aterako dituzte. Ondorioz, baliteke Europak "kontrol" bereziak ezartzea, herrialdeen arteko transferentziak saihesteko.
Ekonomialari horren ustez, Alemaniak hartzen dituen erabakian arabera, baliteke egoera horrek euroaren amaiera ekartzea.
Paul Krugmanek 'Euroaren gainbehera' izeneko artikulua argitaratu du gaur The New York Times egunkarian. Testu horretan, Grezia eurogunetik aterako dela adierazi du Krgumenek, "ziurrenik datorren hilabetean", eta horrek euroaren "amaiera" ekar dezakeela gaineratu du.
Guzti horren ondorioz, Espainiako eta Italiako bankuetatik "diru-kopuru handiak" aterako dituztela uste du ekonomialariak. Jende askok dirua Alemaniara transferitu nahi izango duela azpimarratu du, baina, horretarako, "kontrol bereziak" ezarriko dituztela aurreikusi du, "herri batetik bestera diru-transferentziak saihesteko".
"Txandaka edo aldi berean, Europako Bankuak dirua injektatuko du banketxeen gelditzea ekiditeko", iragarri du ekonomilariak, eta hilabeteetako epeaz ari dela zehaztu du.
Horrenbestez, datozen hilabeteetan Alemaniak erabaki bat hartu beharko duela azpimarratu du. "Bi aukera ditu: Espainia eta Italiaren eskakizunak onartu eta estrategia erabat aldatu (horrek bere zorraren interesak jaistea ahalbidetuko lioke Espainiari eta euroguneak inflazioa kontrolatzeko prezioak doituko lituzke) edo euroaren amaiera bultzatu".
