Ekonomia -
Murrizketak
Basagoiti: 'Lehendakariak Homer Simpsonek baino titulu gutxiago ditu'
Ez du aipatu, baina Basagoiti Patxi Lopezi buruz aritu da, Bilbon egin duen agerraldian. Azken egunetan, Rajoyren Exekutiboak hartutako erabakiak gogor kritikatu ditu lehendakariak.
Erredakzioa
"Homer Simpson baino titulu gutxiago dituen euskal erakunde bateko goi ordezkari batek" Mariano Rajoyren Gobernuak hartutako erabaki ekonomikoak kritikatzea egotzi dio Antonio Basagoiti EAEko PPko presidenteak Patxi Lopez lehendakariari.
Ez du aipatu, baina Basagoiti Patxi Lopezi buruz aritu da gaur goizean, Bilbon egin duen agerraldian. Azken egunetan, Mariano Rajoyren Exekutiboak hartutako erabakiak gogor kritikatu ditu lehendakariak.
PPren iturriek jakinarazi dutenez, EAEko popularrak lehendakariarekin "haserre" daude, azken egunetan egindako kritikak entzun ondoren.
Extremadurako presidenteak hitzaldia eman du Bilbon, eta bertan Basagoitik ere hitz egin du.
Alor ekonomikoan Rajoyren Gobernuari "eskolak ematea" egotzi dio Basagoitik Patxi Lopezi. "Langile fama handirik ez duen eta Homer Simpson baino titulu gutxiago dituen pertsona bat" adibidetzat jarri du, Patxi Lopezen izena eman gabe.
